"Бизда ушбу клуб тарихида муҳим саҳифаларни ёзиш мажбурияти бор. Сўнгги йилларда ушбу клуб юқори стандартларга эришди, биз тарихнинг янги саҳифаларини ёзишимиз керак.
Моуринью мен учун алоҳида инсон, у билан учрашганим катта омад бўлган. У ҳаётимнинг энг оғир дамларида менга ёрдам қўлини чўзган, мен буни ҳеч қачон унутмайман.
Мен ҳеч қачон ҳеч кимдан нусха кўчирмаганман, футболчилик фаолиятим ва ёшлар секторида ишлаган йилларимда шаклланган ўз футбол ғоям бор, у ерда менга ҳозирги йилларда қўл келаётган нарсаларни тажриба қилиб кўриш имконияти бўлган эди.
"Бернабеу"да ўйнаш ҳеч ким учун ҳеч қачон осон бўлмаган. "Интер" бу ерда 60 йилдан бери ғалаба қозона олмаяпти. Кўпгина жамоаларга бу ерда ғалаба қозониш қийин бўлган, биз қўлимиздан келган барча ишни қиламиз, аммо ўзимизга хос ўйин услубидан воз кечмаймиз: биз устунлик қилишни, ўсганимизни кўрсатишни хоҳлаймиз. Ва "Реал"га қарши туришнинг мукаммал усули мавжуд эмас", – деди Киву.
