

"Афсуски, шундай оқшомлар ҳам учраб туради. Қайта қуриш жараёнида бундай ҳолатлар рўй бериши мумкин ва бундай ўйинлардан муҳим сабоқлар чиқариш керак. Яхши серия ўтказиб, ушбу босқичга қандай етиб келганимизни ҳисобга олсак, кейинги босқичга чиқиш имконияти борлиги аниқ эди, бироқ ўйин қийин бўлишини билардик. Ҳафсаламиз пир бўлган ҳолдамиз, аммо айнан шундай оқшомлар якунда фойдали бўлиб чиқади.
Бельгия яхши ўйнади. Улар биздан кучлироқ эди, кучли ва тезкор ўйин намойиш этишди. Ўйинни яхши бошлагандик, лекин кейин кетма-кет голлар ўтказиб юбордик. Жисмоний жиҳатдан муаммоларимиз бор эди, уларга жуда кўп бўш ҳудуд қолдирдик", – дея италиялик мутахассиснинг сўзларини келтирди RAI.
Италия (6 учрашувдан сўнг 10 очко) Миллатлар Лигаси А дивизионининг 1-гуруҳ жадвалида 3-ўринни банд этди ва плей-офф босқичига чиқа олмади.



