— Футболчиларнинг айримларини уйда қолдиришга қачон қарор қилдингиз? Нима учун 10 нафар футболчини олиб келмадингиз? Бельгияга қарши ўйиндан кейин жамоанинг майдондаги ҳаракатларида ўзгариш бўладими?
— Футболчиларнинг айримларини уйда қолдириш масаласини бошиданоқ кўриб чиққан эдик. Сафар анча узоқ ва чарчоқли бўлади. Шунинг учун ҳаммасини олиб келишнинг ҳожати йўқ эди.
Майдондаги ҳаракатларимизга келсак, бизни олдинда битта ўйин кутиб турибди. Шунинг учун имконимиз бўлса, ўз ўйинимизни янада яхшилашда давом этишимиз керак. Тактик тизимда катта ўзгариш бўлади, деб ўйламайман.
⸻
— Италиядаги хуштаклар, одамлар орасидаги гап-сўзлар ва ижтимоий тармоқлардаги танқидларни ҳисобга олсак, миллий терма жамоа атрофида аввалги тажрибангизга нисбатан муҳит янада салбий бўлиб қолганини ҳис қиляпсизми? Жаҳон чемпионатида бир мартаги омадсизликни кечириш мумкин, икки марта ҳам, аммо учинчи мартадан кейин мухлислар ҳеч нарсани кечиришни истамаяптими?
— Менимча, профессионал футбол мухлиси бўлган инсоннинг бундай муносабат билдириши табиий. Агар жамоа ютқазса, мухлис хурсанд бўлмайди. Бу оддий ҳолат.
Энди бу ўйинлар ва келажак ўзимизга боғлиқ. Агар яхши жамоа бўла олсак ва яхши натижалар қайд этсак, вазият ўзгариши мумкин. Чунки охир-оқибат бу ҳолатни ўзгартирадиган нарса — натижалар.
— Туркия терма жамоаси ҳақида қандай фикрдасиз?
— Менимча, Монтелла жуда яхши ишлаяпти. Туркия Жаҳон чемпионатида гуруҳ босқичида чиқиб кетишга муносиб эмас эди. У ҳозир ҳам ўз ишини давом эттиряпти.
Туркия терма жамоаси катта иқтидорга эга футболчиларга тўла. Бу жуда яхши жамоа. Шунинг учун эртага, албатта, қизиқарли ўйин бўлади.
Биз эртага нима қилишимизни эртага ҳал қиламиз. Ҳозирдан аниқ айтиб бўлмайди. Кўрамиз.
— «Манчестер Сити» билан боғлиқ масала ва сизнинг бу ишга муносабатингиз қандай?
— Аслида, мен бу ҳақда гапирмаган бўлардим. Бу менга алоқадор масала эмас. Қолаверса, бу янги нарса ҳам эмас. Менимча, бундай масалалар тўрт-беш йилдан бери вақти-вақти билан кун тартибига чиқиб келяпти.
Унинг икки томонлама шартномаси бор-йўқлиги ёки бу иш билан боғлиқ масалалар менга тааллуқли эмас.
— Эртанги ўйинда тактик жиҳатдан ниманидир ўзгартиришни режалаштиряпсизми?
— Бизни олдинда битта ўйин кутиб турибди. Шунинг учун имконимиз бўлса, янада яхшироқ ўйнашга ҳаракат қиламиз. Аммо тактик тизимда катта ўзгариш бўлади, деб ўйламайман.
— Туркия терма жамоасининг ҳозирги ҳолатини қандай баҳолайсиз?
— Туркия — катта иқтидорга эга футболчилардан ташкил топган жамоа. Улар жуда яхши футбол намойиш этишяпти. Монтелла ҳам яхши ишлаяпти. Шунинг учун эртага яхши ва қизиқарли ўйин бўлишини кутяпман.
— Раҳмат.
— Раҳмат.
Нодирхўжа Юлдашев Бурса шаҳридан
