"Учрашув кенг муҳокамаларга сабаб бўлди, мен сизларнинг кўплаб муносабатларингизни кўрдим. Футбол эҳтиросларга асосланади ва бундай шиддатли ўйиндан кейин одамларда доимо турлича фикрлар бўлади. Ҳакам сифатида мен қарорларни сониялар ичида, ҳар доим ўйин қоидаларига, шахсий қарашларимга таянган ҳолда ва тўлиқ холислик билан қабул қиламан.
Мен ўйиндан кейин алоҳида қарорларга изоҳ бермайман. Танқид — бу касбнинг бир қисми ва мен уни қабул қиламан. Истаган ягона нарсам — муҳокамалар ўзаро ҳурмат доирасида бўлишидир. Ҳуштак ортида ҳар куни кўп меҳнат қиладиган ва доимо ўйинга ҳалол ҳамда виждонан хизмат қилишга интиладиган инсон туради. Ҳеч бир ҳакам хатосизликка кафолат бера олмайди. Аммо мен ҳар бир учрашувга профессионаллик, бетарафлик ва ўйинга бўлган ҳурмат билан ёндашишда давом этишимга ваъда бераман.
Футболни бутун қалби ва эҳтироси билан қўллаб-қувватлаётган барчага раҳмат. Кейинги ўйинда кўришгунча", — дейилади Летексьенинг баёнотида.
