Мессининг терма жамоа билан хайрлашувига бағишлаб эълон қилинган мурожаатида Неймар собиқ жамоадошининг футболга кўрсатган таъсирини алоҳида қайд этди ва биргаликда тўп тепган йиллари учун унга миннатдорлик билдирди. Бразилиялик футболчи аргентиналикнинг фаолиятини нафақат жамоадош ва рақиб сифатида, балки Мессининг бетакрор ўйини туфайли футболни янада қаттиқроқ севиб қолган бир инсон сифатида кузатиб борганини таъкидлади.
"Бутун дунё сендан миннатдор", – дея Неймарнинг сўзларини келтиради “Sky Sport Germany”.
Шунингдек, Месси билан ёнма-ён майдонда тўп тепиш у учун улкан шараф бўлганини айтжи
Месси 6 октябрь куни Аргентина терма жамоаси сафидаги сўнгги баҳсини ўтказди. Буэнос-Айресда Бенинга қарши кечган ўртоқлик учрашувида аргентиналиклар 3:0 ҳисобида ғалаба қозонди. 39 ёшли форвард пенальтидан гол урди ва иккита голли узатмани амалга оширди. Месси миллий жамоадаги фаолиятини 208 та ўйин ва 126 та гол билан якунлади. Неймар "Барселона" ва ПСЖ жамоаларида у билан бирга ўйнаган.
