"Ҳатто 1:0 ҳисобида олдинда бораётганимизда ҳам иккинчи, кейин учинчи, тўртинчи гол учун олдинга бордик, айнан мана шу бизнинг менталитетимиз бўлиши лозим. Агар сизда аниқ бир ўйин услуби бўлса, унга қачон амал қилиб, қачон амал қилмасликни танлай олмайсиз. Шафқатсизларча ҳаракат қилиш керак. Тўхтаб қолмаслик лозим.
Тўртта гол урсанг, бешинчисини хоҳлайсан. Ҳақиқий очликни сақлаб қолиш керак. Айниқса, муҳимроқ баҳсларда, катта турнирларда айнан шу нарса ўзгариши даркор ва бу каби ўйинлар бизга фақат ёрдам беради.
Чиндан ҳам кучли жамоага қарши ўйнадик. Бундай ғалабани ўз-ўзидан бўлиб қолгандек қабул қилиб бўлмайди, чунки бу биз учун жуда қийин ўйинга айланиши мумкин эди.
Шунингдек, сен доим нафақат ўзингга, балки бутун Европа бўйлаб бошқа жамоаларга ҳам маълум бир сигнал юборасан. Менимча, буни яна бир бор амалга оширдик.
Ғалабаларга чанқоқмиз. Бизда ёш жамоа бор. Кўплаб футболчилар айни дамда ҳайратланарли даражада яхши спорт формасида ва ўйлайманки, ҳамма шунчаки майдонга тушишдан бахтиёр. Бу каби ўйинлар эса бизни янада кучлироқ руҳлантиради", – деди Кейн.
Англия 3 та ўйиндан сўнг 6 очко билан “А” лигасининг 3-гуруҳида иккинчи ўринни эгаллаб турибди. Кейинги баҳсда Англия 6 октябрь куни Чехияни қабул қилади.
