Бу ҳақда “El Nacional” ёзмоқда.
Манба берган маълумотларга кўра, Англия клуби 26 ёшли аргентиналик футболчи учун 130 миллион евро таклиф қилишга тайёр. Шунингдек, “Тоттенхэм” Альвареснинг шартномасига келгусида унинг “Барселона”га ўтишини осонлаштирадиган товон пули бандини киритиши мумкин. Ҳозирча музокаралар бўйича расмий тасдиқ мавжуд эмас.
Аввалроқ “Атлетико” ҳужумчини сотиш борасида “Барселона” билан музокара олиб бориш ниятида эмаслигини маълум қилганди.
Альварес 2024 йилнинг августидан буён “Атлетико” сафида тўп тепиб келмоқда. Унинг мадридликлар билан тузган шартномаси 2030 йилнинг июнига қадар мўлжалланган. Transfermarkt портали футболчини 100 миллион еврога баҳоламоқда.
Маълумот учун, аргентиналик футболчи 2022-2024 йилларда “Манчестер Сити” шарафини ҳимоя қилган.
