"Бир йил давоми айниқса болалар учун Криштиану Роналду қандай футболчи эканига гувоҳ бўлдим. У глобал миқёсдаги икона ҳисобланади. Шунинг учун ҳам ўйиндан сўнг Криш фақат ўзи қарор қилсагина терма жамоага қайтишини айтгандим. Бу борада ҳеч қандай шубҳам йўқ.
Орамиздаги вазият ҳаддан ташқари бўрттириб юборилди. Айрим шахслар аралашиб, аслида мавжуд бўлмаган муаммога айлантиришди. Мураббий шундай мақомга эга футболчини ҳам машғулотга юборди-ю, бироқ майдонга туширмади, ва бундан муаммо ясашди. Криш каби рамзий мақомдаги инсон терма жамоадаги фаолиятини шунчалик тўсатдан якунлаши учун бу етарли асос деб ҳисоблайсизми? Мен унинг қолишини хоҳлайман. У ҳеч нарса абадий эмаслигини, карьера қачондир якунига етишини яхши билади. Лекин унинг термадаги фаолиятини ўзи истагандай якунлашини истардим. Қарор ўзига боғлиқ. Биз айнан шу ҳақда гаплашдик", — дея Жезушнинг сўзларидан иқтибос келтиради Record.
Эслатиб ўтамиз, Роналду Миллатлар лигаси 3-туридан ўрин олган Данияга қарши ўйин (4:2) олдидан бош мураббий Жорже Жезушнинг ҳеч қандай можаро йўқлиги ҳақидаги баёнотларига қарамай, терма жамоа ихтиёрини тарк этган эди. Қатор португалиялик оммавий ахборот воситалари Роналду миллий жамоадаги фаолиятини якунлаш ниятида эканини хабар қилганди. Шунингдек, Жезуш ҳужумчи билан ярашув учрашувига розилик бергани ва футболчини ноябрь ойидаги ўйинлар учун қайдномага киритмоқчилиги айтилганди.
