Бу ҳақда “TEAMtalk” маълум қилди.
Манбага кўра, клуб 23 ёшли англиялик футболчи билан йил охирига қадар янги шартнома имзолашни режалаштирмоқда.
Янги битим 2031 йилгача мўлжалланади ва Беллингемнинг маоши бир мавсум учун 20 миллиондан 30 миллион еврогача кўтарилиши мумкин. Бу ҳолатда ярим ҳимоячи Килиан Мбаппе ва Винисиус Жуниор даражасида маош ола бошлайди.
Беллингем 2023 йилнинг ёзидан буён "Реал" сафида ўйнамоқда. У жорий мавсум барча турнирларда 8 та ўйинда майдонга тушиб, 3 та гол урди ва 3 та голли узатмани амалга оширди. Футболчининг амалдаги битими 2029 йилнинг ёзига қадар мўлжалланган.
