Рим клуби 67 ёшли мутахассиснинг бош мураббийлик лавозимидан томонларнинг ўзаро розилигига кўра кетганини эълон қилди.
Сарри 2025 йилнинг июнь ойидан буён "Лацио"ни бошқариб келаётган эди. Бунгача у 2021 йилдан 2024 йилгача ҳам жамоани бошқарган. Якунланган мавсумда "бургутлар" А Серия турнир жадвалида 54 очко билан 9-ўринни эгаллашди ва Италия Кубоги финалига қадар етиб бориб, унда "Интер"га имкониятни бой беришди (0:2).
Аввалроқ Сарри "Аталанта"ни бошқариши, "Лацио"нинг янги мураббийи эса Дженнаро Гаттузо бўлиши ҳақида хабарлар тарқалган эди.
