Бундан аввал аргентиналик футболчи Жазоир дарвозасига хет-трик қайд этган (3:0) ва Австрия билан баҳсда икки бор гол урган эди (2:0).
— Лео, жаҳон чемпионатидаги ушбу икки ўйинда бешта гол уриш сиз учун нимани англатади? Ва Аргентина халқига ушбу қувончни туҳфа этиш орқали нималарни ҳис қиляпсиз?
— Раҳмат. Бу катта бахт, айниқса ғалаба қозонганимиз туфайли — бу ғалаба бизга осонликча тақдим этилгани йўқ. Биз Австрияга қарши ўйин шиддатли бўлишини билардик, бир дақиқа ҳам бўшашиш мумкин эмасди. Мен ўйин натижасидан ва 1/16 финалга йўл олганимиздан хурсандман. Кейинаги ҳафтани хотиржам кутиб олишимиз учун олти очко жамғариш жуда муҳим эди. Биз бахтлимиз, — дея Мессининг сўзларидан иқтибос келтиради Аргентина терма жамоасининг Х ижтимоий тармоғидаги расмий аккаунти.
