- Ўйин ҳақида фикрингиз…
- Аввало, Жиззах халқини ва "Сўғдиёна" мухлисларини ғалаба билан табриклайман. Кубокнинг кейинги босқичида бу жамоага омад тилайман. Энди ўйин ҳақида тўхталадиган бўлсак, биз яхши тайёргарлик кўргандик, лекин бугун тажриба ўз сўзини айтди.
"Сўғдиёна" барибир Суперлига жамоаси ва савия бўйича биздан устун туради. Биз иккинчи жамоа бўлиб ўйинни танладик ва рақиб хато қилишини кутдик. Ўйлашимча, ёмон ўйнамадик. Биринчи голни стандартдан ўтказиб юбордик. Ҳар иккала тайм охирида гол ўтказдик. Бу менимча, тажриба камлиги билан боғлиқ.
Иккала голда ҳам ҳушёрликни йўқотдик, рақиб эса бундан фойдаланди. Аммо йигитлар мен хоҳлаган футболни намойиш этиб бера олишди. Вазиятлар биз томондан кам бўлди ва ҳужумни якунлашда озгина омад етишмади.
