Бу ҳақда “Marca” нашри хабар бермоқда.
“Атлетико” каталонияликларни ҳужумчи Хулиан Альваресни сафига қўшиб олишга бўлган уринишларида ноэтик хатти-ҳаракатлар қилганликда айбламоқда. 26 ёшли аргентиналик футболчининг “матрасчилар” билан амалдаги шартномаси 2030 йилгача мўлжалланган бўлса-да, у Ла Лигадаги трансфер низоларининг бош қаҳрамонига айланди.
Футболчининг ўзи Жаҳон чемпионати вақтидаёқ “Атлетико”ни тарк этиш истаги борлигини ошкора билдирганди. Май ойида “Барселона” эҳтимолий трансферни муҳокама қилган ва ҳужумчи учун тахминан 100 миллион евро таклиф қилишни режалаштирганди. Бунга мадридликлар ижтимоий тармоқларда хабарларга ишонмасликка чақирувчи ҳажвий пост билан жавоб қайтаришган. Низога қарамай, каталонияликлар Альваресга бўлган қизиқишни сақлаб қолишмоқда ва янги сўров тайёрламоқда, “Барселона” эса берилган шикоятга апелляция билан жавоб қайтаришни режалаштирмоқда.
Ушбу вазиятда 10 август куни асосий бурилиш нуқтаси бўлади, айнан шу куни Хулиан Альварес “Атлетико” Мадриднинг мавсумолди тайёргарлигига етиб келиши керак. Унинг қайтиши футболчининг позициясини биринчи манбадан билиб олиш имконини беради.
