- Ўйин ҳақида фикрингиз?
- Биринчи навбатда "Шўртан" футбол клубини ғалаба билан табриклайман. Мухлислар учун жуда қизиқарли ўйин бўлди. Ўйиндан ҳам футболчилар, ҳам ишқибозлар завқ олди дея оламан.
- "Арал" муддатидан олдин чемпионликни қўлга киритди. Бугун жамоангиз жуда қаттиқ ўйин намойиш этди. Бу сиз томондан берилган топшириқмиди?
- Аввало савол учун раҳмат. Одатда жамоа муддатидан олдин ғолибликни қўлга киритса, кейинги учрашувларда ҳам ўзини ғолиб сифатида намоён этишга ҳаракат қилади. Ўйлайманки, биз футболга хос агрессив ҳаракат қилдик, мақсадимиз қўпол ўйнаш эмасди. Лекин сариқ карточкалар кўпроқ бўлди.
- "Арал"нинг таркиби Суперлига учун мос дея оласизми? Бу борада фикрингиз қндай?
- Жамоамиз яхши футболчилардан иборат, ахир бекорга Пролига чемпиони бўлмадик. Лекин янги мавсумда таркиб қанчалик ўзгаришини вақт кўрсатади.
