Oldinroq Mbappe o'zini diktator sifatida tasvirlagan memlar haqida fikr bildirgan edi: "Meni Xitoy diktatori qiyofasida gavdalantirishgani eng ko'p kulgimni qistatdi. Do'stlarim bilan suhbatda bundan tez-tez foydalanib turaman". Shundan so'ng Xitoyning uchta kompaniyasi futbolchi bilan hamkorlikni to'xtatdi, mamlakat hududida esa La Liga o'yinlari translyatsiyasi vaqtincha to'xtatilib, Kilian ishtirokidagi reklamalar efirdan olib tashlandi. Keyinchalik Mbappe o'z izohini "o'ylamay aytilgan" deb atab, ommaga rasman uzr so'radi.
""Real" o'yinchisi Kilian Mbappe Xitoy haqidagi noo'rin so'zlari uchun omma oldida uzr so'raganidan so'ng, China Media Group vakili ushbu ma'lumot qabul qilinganini ma'lum qiladi. So'zlar muhim bo'lsa-da, harakatlar ham undan kam ahamiyat kasb etmasligini takidlaymiz hamda La Liga, "Real" va Mbappening o'zi bu holatdan to'g'ri xulosa chiqarib, chin dildan uzr so'raydi va o'z xatolarini tuzatadi deb umid qilamiz", - deyiladi teleradiokompaniya bayonotida.
