Ўйиндан кейинги матбуот анжуманида "Бухоро" жамоаси бош мураббийи Александр Хомяков матбуот анжуманида иштирок этди.
- Ўйин ҳақида фикрингиз?
- Ўйин қандай кечишини билгандим. Жуда асабий баҳс бўлди. Тўғри, савиялар турлича, лекин биз бугун Пролига жамоасига ўхшаб қолдик. Рақиб қандай ҳаракат қилган бўлса, биз ҳам шундай ўйнадик. Рақиб яхши ўйин кўрсатди, таркибдаги маҳаллий бухоролик футболчилар ўзларини кўрсатишга ҳаракат қилишди. Ўйинимиз сифати ҳақида гапирадиган бўлсам, умуман кўринмади. Фақат натижадан қониқдим, ўйиндан эмас. Муаммоларимиз бор ва шуларни ҳал этиш устида ишлашимиз керак. Ҳаёт тўхтаб қолмайди, биз ҳам ишлашда давом этамиз. Ўз ўйинимизни қидиришда давом этамиз, балки футболчиларни ҳам ахтарармиз.
- "Бухоро" жамоасининг Кубокда ўйнаш хоҳиши борми?
- Бор, албатта. Лекин хоҳиш билан имконият орасида фарқ бўлади. Ўз имкониятимиз қайси босқичгача эканини билмайман, футбол шуниси билан қизиқ. Классик фильмда айтадику, "Хоҳиш бор, лекин имкон йўқ". Албатта, Кубок финалида ўйнаш жамоамиз учун юқори даража бўлади. Кубок орқали Осиё майдонларида иштирок этиш мумкин, буни ҳамма жамоалар тушуниб қолди ва Кубок учун кураш зўр кечади деб ўйлайман. Мен ҳам финалга боришни истайман, фақат бунинг учун олдин гуруҳдан чиқишимиз керак.
