O'FF Rustam Mirsodiqovning licenziyasini bekor qildi

Mirsodiqovning murabbiylik licenziyasi bekor qilinishiga “Paxtakor” – “Metallurg” (3:2) o'rtasida bo'lib o'tgan o'yin sabab qilib ko'rsatilmoqda.

O'FF ijroiya qo'mitasining qarori:

1. 2015 yilning 24 sentyabrida Toshkent shahrida o'tgan “Paxtakor” hamda “Metallurg” o'yinining 83-daqiqasidan sportga oid bo'lmagan harakatlar qayd etilgan.

2. O'FFning Tartib-intizom kodeksi qoidalariga binoan “Metallurg” klubi bosh murabbiyi Rustam Mirsodiqovning murabbiylik licenziyasi 2015 yilgi mavsum uchun to'xtatilsin.

3. O'zbekiston professional futbol ligasi (F.Magometov): Ijroiya qo'mitaning qaroriga binoan kerakli choralar ko'rilsin.

Eslatib o'tamiz, Toshkentda o'tgan uchrashuvda “Metallurg” 83-daqiqagacha “Paxtakor”ni 2:0 hisobida mag'lub etayotgan edi, ammo o'yin yakunida bekobodliklar o'z darvozalaridan 3ta to'p o'tkazib yuborib, g'alabani qo'ldan chiqarishgandi.