O'tgan mavsumni Ruminiyada o'tkazgan xorvatiyalik vinger Ivan Peshich faoliyatini endilikda OKMK safida davom ettiradi.
Ivan Peshich professional faoliyati davomida Yevropaning bir qator klublari safida to'p tepgan. U Xorvatiyaning U-19 terma jamoasi safida harakat qilgan bo'lib, Ruminiyaning Dinamo (Buxarest) va Kindiya (Tirgovishte), Ukrainaning Vorskla (Poltava) hamda Belarusning Dinamo (Minsk) klublari sharafini himoya qilgan.
Shuningdek, futbolchi Qozog'istonning Shaxtyor (Karaganda), Kaspiy (Aktau) va Qaysar jamoalari safida ham muvaffaqiyatli to'p tepgan.
Klub va 1992 yilda tug'ilgan xorvatiyalik vinger Ivan Peshich o'rtasida joriy mavsum yakuniga qadar amal qiladigan mehnat shartnomasi imzolandi.
