“Istiqlol” klubi bayonotida qayd etilishicha, so'nggi kunlarda klub rahbarlari Malayziyaga borib, OFK bilan muzokaralar olib borgan va jamoaning uy uchrashuvlarini Iroqning Basra shahrida o'tkazishga rozilik olishga muvaffaq bo'lgan.
Nihoyat, bugun OFK ushbu so'rovni maqulladi va Iroqning Basra shahri rasman “Istiqlol”ning 4 ta uy uchrashuviga mezbon etib belgilandi.
Avvalroq klub Toshkent, Dushanbe va Doha variantlaridan mahrum bo'lgani haqida xabar berilgandi.
Eslatib o'tamiz, jamoada O'zbekiston MTJ a'zolari Rustam Ashurmatov hamda Jaloliddin Masharipov harakat qiladi.
