Ўйиндан кейин "Ғазалкент" бош мураббийи Зайниддин Тожиев матбуот анжуманида иштирок этди.
- Ўйин ҳақида фикрингиз?
- Жуда қийин учрашувни ўтказдик. Рақиб қанчалик кучли ва жиддий эканини билардик. "Шўртан" ўз олдига биринчи ўрин мақсадини қўйган. Меҳмонда тўп тепдик, бу ҳам оғир бўлди. Футболчиларимизга раҳмат, иккинчи таймда бир киши кам бўлиб қолган бўлишимизга қарамай охиригача кураш олиб боришди. Қисқаси, осон ғалабани қўлга киритмадик. "Шўртан" жамоасига кейинги учрашувларда омад тилаб қоламан.
- Футболчингиз қизил карточка олган бўлса ҳам, жамоа қўлини туширмади ва охиригача курашди.
- Ҳар ўйиндан олдин тегишли кўрсатмаларни берамиз. Ютамизми ё ютқазамизми, майдонда камчилик бўлиб қоламизми фарқи йўқ, охиригача ўйнаш керак. Авваламбор ҳушёрликни йўқотиш керак эмас. Масъулиятни ҳис қилиб охиригача курашиш кераклигини доим уқтириб келяпмиз.
- Жамоангиз олдига Суперлигага чиқиш вазифаси қўйилганми?
- Биз бундай мақсадни қўйганмиз. Бизга футболчи етиштириб бериш вазифаси қўйилган. Футболчиларни ривожлантира олсак, шу бизнинг энг катта ютуғимиз бўлади.
- Ўйиндан олдин ғалаба кутганмидингиз?
- Мураббий доим ўз жамоасидан ютуқ кутади. Дуранг ўйнаймиз, майдонда ётиб оламиз демайсиз-ку. Ўйинчиларни катта футболга тайёрлаяпмиз, демак фақат ютуққа ўргатиш керак. Натижа қандай бўлишини эса вақт кўрсатади.
