"Sky Sport" инсайдери Флориан Плеттенберг хабарига кўра, 19 ёшли ивуарлик футболчи эрталаб клуб раҳбариятига ўзини бетоб ҳис қилаётганини маълум қилган. Шу сабабли у жамоанинг Австриядаги йиғинларига бормайди.
Диоманде бугунги "Ферль"га қарши ўртоқлик учрашуви учун қайдномага ҳам киритилмаган. Бироқ унинг ўйинда иштирок этмаслиги аввалдан режалаштирилгани таъкидланмоқда.
Плеттенбергнинг маълум қилишича, футболчи "Лейпциг" билан хайрлашишга тайёр ва бутун эътиборини "Реал"га ўтишга қаратган.
Шу билан бирга, мадридликлар трансфер бўйича яқин соатлар ичида якуний келишувга эришишни режалаштирмоқда. Агар барча масалалар ҳал этилса, Диоманде Испанияга учиб бориб, тиббий кўрикдан ўтади ва "Реал" билан шартнома имзолайди.
