Аввалроқ 34 ёшли бельгиялик дарвозабон "қаймоқранглилар" билан шартномасини 2028 йилнинг ёзига қадар узайтириш бўйича келишувга эришгани хабар қилинганди. Унинг Мадрид клуби билан амалдаги битими 2026/27 йилги мавсум охиригача мўлжалланган.
"Яна 5-6 йил футбол ўйнашни хоҳлайман. Кейин эса академия ташкил этиб, ўзимга ўхшаган дарвозабонларни тарбиялашни истардим", – дея Куртуанинг сўзларини келтиради инсайдер Фабрицио Романо.
Бельгиялик дарвозабон "Реал" сафига 2018 йилнинг ёзида ўтган. Мадрид клуби билан биргаликда у уч бор Испания чемпиони бўлди, икки марта Чемпионлар Лигасида ғолиб чиқди, уч мартадан Испания Суперкубоги ҳамда УЕФА Суперкубогини, шунингдек, бир мартадан Испания Кубоги, клублар ўртасидаги Жаҳон чемпионати ва Қитъалараро кубогини қўлга киритди.
