Шу танаффус ва бошқа мавзуларда "Яйпан Фарғона" бош мураббийи Рашид Ғофуров билан суҳбатлашдик.
— Рашид ака, Пролигада бир ойдан кўпроқ танаффус бўлди. Шу танаффусдан жамоа қандай фойдаланди? Шу ҳақда гапириб берсангиз.
— Танаффусдан биз жуда унумли фойдаланишга ҳаракат қилдик. Кам-кўстсиз бўлмайдиган нарсанинг ўзи йўқ. Кам-кўстсиз бажарса ҳам бўладиган йиғин ўтказдик. Ҳеч қандай муаммо бўлмади бизда. Иккита босқичга бўлинган ҳолда чиройли, яхши, ўзимизга мос ва хос ўқув-йиғин машғулотларини ўтказиб олдик. Менимча, йигитларнинг жисмоний ҳолати ёмон эмас, яхши. Фақат битта нарсадан кўнглим тўлмади. Биз ўзимиз чиқариб юборган 6–7 нафар ўйинчимизнинг ўрнини тўлдирадиган футболчиларни жалб қила олмадик. Умуман олганда, йиғиндан кўнглим тўлди. Яхши ўтди, ёмон эмас.
— Ўртоқлик ўйинлари ҳақида ҳам гапириб берсангиз. Рақиблардан кўнглингиз тўлдими?
— Ўртоқлик ўйинлари ҳақида тўғри айтяпсиз. Йиғин пайтида кўпроқ ўйин амалиётига эга бўлиш учун ўртоқлик учрашувларини ташкил қилдик. Биринчи лига вакили "Ҳавоканд", "Андижон"нинг аралаш ва асосий таркиби, "Нефтчи"нинг асосий таркиби ҳамда Тожикистоннинг "Истиқлол" жамоаси билан ўйнадик.
Хуллас, охирги ўйинимиз — Тожикистон чемпиони "Истиқлол" жамоасига қарши баҳс ҳақида жуда ижобий фикр билдираман. Сабаби, ўқув-йиғин машғулотларимиз қандай ўтганини айнан шу ўйин орқали баҳолаб олдик. Кучли жамоага қарши йигитларимиз жуда чиройли ўйин намойиш этишди. Сабаби, кучли рақибга қарши учрашувда ҳам жисмоний, ҳам техник томондан ютқазганимиз йўқ. Ҳеч қайси жиҳатдан ортда қолмадик.
Шундан сўнг йиғин якунланиши билан "Каттақўрғон"га қарши ўйинни бошладик. Учрашувни 2:1 ҳисобида ютқазган бўлсак ҳам, 90 дақиқа бўлмаса-да, тахминан 70 дақиқа давомида ўйинни биз бошқардик. Йигитларимизга омад етишмади. Захирада гол урадиган ҳужумчимиз йўқ. Қаердадир нимадир етишмаяпти. Лекин ўйинни тўлиқ биз назорат қилиб бордик. Натижа аста-секин бўлади, худо хоҳласа.
— Жамоага янги келган футболчилар ҳақида нима дейсиз? Улар тезда жамоага мослашиб кета оладими?
— Албатта. Биз буларни олдин ҳам кўрганмиз. Кўриб-билганимиз учун бизга мослашиб кетадиган, бизнинг ўйин услубимизга мос тушадиган ўйинчилар бўлгани учун уларни жамоага таклиф қилдик. Ўйинчилар кўп, лекин биз уларни ҳозир жамоамизга қабул қиламан десак, ўйин услубимизга тушмаслиги мумкин ёки биз уларга тушмаслигимиз мумкин. Шунинг учун иккала томон бир-бирига мос келсагина жамоага қабул қилса бўлади.
Қандайдир яхши, зўр натижа қиладиган ўйинчи бўлиши мумкин, лекин бизнинг ўйинимизга тушмаслиги ҳам мумкин. Шунинг учун биз буни ўйинчиларни танлаш, яъни подбор игроков деймиз. Биз ўйин услубимизга мос тушадиган футболчиларни қидиришда давом этяпмиз. Трансфер ойнаси ёпилгунча топсак, кетган футболчилар ўрнини қоплаб олсак, мавсум давомида қийналмасдик.
Мана, кеча "Каттақўрғон" билан ўйинда марказий ҳимоячимиз қизил карточка олди. Яна икки-уч нафар футболчимизда жароҳат бор. Муслим Ҳабибуллаев, Бекзод Ғафуржонов ва Фирдавс Умаралиев ҳам жароҳатда. Буларни соғайиб тезда сафимизга қайтишини хоҳлаймиз. Тўртта асосий ўйинчимиз йўқлиги сабабли таянч ярим ҳимоячисини марказий ҳимояга қўйишга мажбур бўлдик. Тўртта асосий футболчисиз "Каттақўрғон"га қарши ўйнадик. Шуларнинг ўрнини тўлдирадиган футболчиларни топганимизда, менимча, бунчалик қийналмасдик.
— Жароҳат олган футболчилар қачон таркибга қайтади?
— Жароҳатдаги футболчиларимизнинг, худо хоҳласа, тезроқ қайтишини биз ҳам жуда хоҳлардик. Сабаби, улар жамоага мослашган, жамоага ўрганиб қолган ва жамоага фойдаси тегадиган футболчилар. Уларнинг ўрнини тўлдириш, янги келган футболчиларни улар сингари бизнинг ўйин услубимизга мослаштириш қийинчилик туғдиради. Улар биз учун аллақачон тайёр ўйинчилар эди. Энди бу футбол. Футболда жароҳатларсиз, йўқотишларсиз ўйин бўлмайди.
— Мавсумнинг иккинчи ярмида жамоанинг мақсади қандай? Раҳбарият нечанчидир ўринни олиш вазифасини қўйдими?
— Бизнинг мақсадимиз иккинчи даврада эмас, биринчи даврада ҳам ҳеч қандай аниқ ўрин эгаллаш бўлмаган. Мақсадимиз — шу ўйинчиларни яхши жамоаларга етказиб бериш. Чиройли ўйин намойиш қилиб, уларга ўйин амалиёти бериш, футболчиларни реклама қилиб, биздан юқори даражадаги жамоаларга етказиб бериш.
Ҳозир футболчиларимизни "Машъал", "Сурхон" ва бошқа жамоалар таклиф қиляпти. Биз эса уларни мамнуният билан берамиз. Сабаби, уларни Суперлига жамоалари сўраяпти. Асл мақсадимиз ҳам шу эди.
Лекин бизга "фалон ўринни оласизлар", "учинчи бўласизлар" ёки "иккинчи бўласизлар" деган вазифа қўйилмаган. Бизнинг вазифамиз — йигитларни тарбиялаб, яхши футболчиларни етказиб бериш. Уларнинг
