Чемпионлар Лигасида "Реал"га қарши ўйиндан (0:5) сўнг "Қайрат" дарвозабони Шерхан Калмурзага автомобиль совға қилишди.
"Биз бизнесменларимизга бундай совғалар беришни тақиқлай олмаймиз. Лекин бу ерда ҳам тўғри тушуниш керак – бирор футболчини алоҳида ажратиб қўйиш нотўғри. Бу жамоавий спорт тури.
Менинг фикрим шундай: агар ёрдам бермоқчи бўлишса, клубнинг ўзига ёрдам беришсин. Агар совға беришса – у ҳолда ҳамманга берсин, тушуняпсизми?
Мен бундай совғалар бераётган одамларга ақл ўргата олмайман. Лекин жамоавий иш нуқтаи назаридан, албатта, фақат бир кишини алоҳида ажратиш тўғри эмас. Клубимизда шундай тушунча бор: биз жамоамиз. Агар совға берсангиз – барчага беринг. Бўлмаса клубнинг ўзига беринг, масалан, автобус ёки микроавтобус. Менинг позициям шу – бундай қилиш, албатта, тўғри эмас. Лекин яна айтаман, мен бундай нарсани тақиқлай олмайман", – деди "Қайрат" бош мураббийи Рафаэль Уразбахтин.
