– Ўйин ҳақидаги таассуротларингиз қандай?
– Жанговар ўйин, курашларга бой беллашув гувоҳи бўлдик. Ўйлашимча, ғалаба қозониш имкониятлари тенг эди. Муносиб ва ҳақиқий жанговар дуранг бўлди. Иккала жамоа ҳам турли услубларда бўлса-да, ғалабага интилди. Шу боис, ҳар икки жамоани бир очко қўлга киритгани билан табриклаш мумкин.
– Дуранг натижадан қониқдингизми ёки майдонга фақат ғалаба учун тушганмидингиз?
– Қониқдим, энг аввало, йигитларнинг ўйин жараёнига бўлган муносабатидан мамнунман. Биз ҳар бир учрашувда аввалгисидан яхшироқ ҳаракат қилишга интиляпмиз ва умид қиламанки, бу борада янада ўсишга эришамиз. Бир очко – бу жамғармамизга қўшилган ҳисса, шу сабабли мен асосий эътиборни футболчиларнинг ўйин сифатига қаратаман.
– Ўзбекистонга келганингиздан сўнг, дастлаб "Пахтакор", сўнг "Металлург"га қарши майдонга тушдингиз. Ўзбек футболи ҳақидаги дастлабки таассуротларингиз қандай?
– Ўзбек футболи турлича экан. Агар "Пахтакор" кўпроқ ерлатиб ўйнаган бўлса, бу ерда курашлар ва қанотдан узатмалар кўпроқ кузатилди. Шунинг учун биз ҳозирча вазият билан танишмоқдамиз. Бу жуда қизиқарли, жамоалар бир-биридан кескин фарқ қилади. Биз ҳар қандай рақибга мослашишга ҳаракат қиламиз ва, энг асосийси, рақиб ким бўлишидан қатъи назар, ўзимизга керакли бўлган футболни намойиш этишга интиламиз.
