"Биринчи бўлим 20-25 дақиқаликда яхши имкониятларимиз бўлди. Вазиятлардан фойдалана олмадик ва мағлуб бўлдик", — дейди Азамат Шарипов.
— Ҳужумга якун ясайдиган футболчи етишмагандек...
— Чемпионат давомида шу муаммо қийнаб келяпти. Имкониятларимиздан келиб чиқсак 3-4 та голли вазият ярата олдик. Бу ерда футболчининг маҳоратида қолган гап. Ўйинни ўзига ола билиши гол сезиш қобилияти каби омиллар бор. Бизга шу нарсалар етишмаяпти.
— Молиявий вазият масаласида...
— Майдонга тушганда ҳамма нарсани эсдан чиқариш керак. Молиявий вазият раҳбарларимиз томонидан ҳал қилиняпти. Фикримча, буни майдонга олиб чиқмаслик керак. Кўряпмиз, Суперлигада ҳам бундай муаммо бор. Бизга маҳорат, қаердадир хоҳиш етишмаяпти.
