Илмий тадқиқот "Интер Майами" ҳужумчиси Лионель Месси ёки "Ал-Наср" ҳужумчиси Криштиану Роналдуга бўлган симпатия ҳамда сиёсий қарашлар ўртасидаги боғлиқликни аниқлади. "Сиёсатдан ташқари сиёсий шахсият: 26 мамлакатда Месси ва Роналду ўртасидаги танлов" номли ишга кўра, икки футболчидан бирини афзал кўриш сиёсий йўналишга боғлиқ бўлиши мумкин. Тадқиқот 2026 йилнинг апрель-май ойларида 26 мамлакатдан 10 661 кишининг жавобларига асосланган.
Наньянг технологик университети (Сингапур), Сингапур миллий университети ва Карл III номидаги Мадрид университети тадқиқотчилари Месси ва Роналду ўртасидаги якуний танловни белгиловчи энг яхши омил – бу сиёсий йўналиш, деган хулосага келишди.
Респондентларнинг хоҳиш-истаклари ва уларнинг сиёсий мавқеини таҳлил қилишдан шу нарса маълум бўладики, ўзларини прогрессив деб ҳисоблайдиган респондентлар Мессини кўпроқ танлашади, консерваторлар эса Роналдуни қўллаб-қувватлашади. Шунингдек, аргентиналик футболчини аналитик фикрлайдиган одамлар кўпроқ афзал кўришади, Криштиану эса авторитар қарашларга ёки ўзига нисбатан юқори баҳога эга бўлганларга кўпроқ ёқади.
Шунга қарамай, муаллифлар натижаларга нисбатан эҳтиёткорлик билан қарашга чақиришади, бунинг иккита сабаби бор: тадқиқот экспертлар текширувидан ўтмаган ва кузатилган статистик самара реал бўлса-да, ўртача бўлиб қолмоқда.
