Франция терма жамоаси собиқ ҳужумчиси Тьерри Анри Лионель Мессининг Аисса Мандига нисбатан ишлатган фоли қизил карточкага лойиқ эмас деб ҳисоблайди. ЖЧ-2026 гуруҳ босқичининг 1-турида Аргентина терма жамоаси Мессининг хет-триги эвазига Жазоирни 3:0 ҳисобида мағлуб этди. Ўйиннинг 31-дақиқасида, ҳисоб Аргентина фойдасига 1:0 бўлиб турган вазиятда, Месси ортдан келиб, шиплари билан жазоирлик ҳимоячи Аисса Мандининг болдирига зарба берди ва рақибини йиқитди. Учрашув бош ҳаками Шимон Марчиняк аргентиналик футболчига ҳатто сариқ карточка ҳам кўрсатмади, ВАР эса аралашмади.
"Бу каби вазиятларни тўғри таҳлил қилишда ният жуда муҳим. Агар эпизодни яна бир бор кузатсак, Лионель Месси тўпга эътибор қаратганини ва кимгадир зарар етказиш эмас, балки футбол ҳаракатини амалга оширишга уринаётганини аниқ кўриш мумкин. Ҳа, контакт бор. Ҳа, бу ноқулай кўринади. Аммо ҳар бир тўқнашув ҳам қизил карточка билан жазоланмайди", – деди Анри Fox Sports эфирида.
