Олдинроқ Австрия термаси бош мураббийининг иш услуби Златан Ибрагимовичга маъқул келаётгани айтилганди. "Милан" клуби эгаларининг маслаҳатчиси сифатида иш юритаётган швед Венада мураббий билан учрашув ўтказган.
"Sky Sport Italia" маълумотига кўра, 2020 йилдаги каби "Милан" яна Рангник номзодини жиддий кўриб чиқмоқда. Бироқ бу сафар бош мураббийлик эмас, клубда ҳали ҳамон бўш турган техник бўлимдаги энг муҳим вазифалар муҳокама қилинган.
Германиялик мураббий эса ўз шартлари қабул қилинган тақдирдагина "россонери"да ишлашга рози. Бунда у клубнинг бош мураббийи ва спорт директорини тайинлашда бевосита иштирок этмоқчи.
