41 ёшли футболчи Хорватия билан қатнашадиган Жаҳон чемпионатидан кейин фаолиятини якунламоқчи. "As" маълумотига кўра, Лука фаолиятида бирор нарсани исботлашга ҳожат қолмаган ва бутсаларни михга илишни чўзишдан маъно йўқ деб ҳисобламоқда.
Модрич "Реал"дан кетиши олдидан Флорентино Перес футболчига исталган вақтда клубга қайтиши мумкинлигини ва бирор лавозим беришга тайёрлигини билдирган.
Ўз навбатида Луканинг ўзи ҳам клуб тизимида ишлашга қаршилик қилмаяпти. У клубда катта ҳурматга эга инсон бўлган ва шу боисдан клубдагилар ундан яхши маслаҳатчи ёки спорт директор чиқиши мумкинлигини ўйламоқда.
