Кўплаб мухлисларнинг ҳайратига сабаб бўлган баёнотида бельгиялик футболчи ёзда Бирмингемдан кетишга унчалик интилмагани, чунки бор эътиборини терма жамоаси билан Жаҳон чемпионатидаги иштирокига қаратганини айтди:
“Клуб билан икки марта гаплашдим, аммо бу ҳеч қандай натижа бермади, шунинг учун бунга жуда хотиржам қарадим. Асосан барча ишларни агентим олиб борди, мен эса эътиборимни мен учун жуда муҳим воқеа бўлган Жаҳон чемпионатига қаратдим. Вақти-соати келиб, ҳамма нарса келишиб олингач ва мақбул деб топилгач, бу ҳақда менга хабар беришди.
Тўғрисини айтсам, бу ёзда трансфер амалга ошишини унчалик кутмагандим. Шунчаки футболга, Жаҳон чемпионатига эътибор қаратдим ва терма жамоамда максимал даражада яхши ўйнашга ҳаракат қилдим. Аммо ёзда ҳар доим нимадир юз бериши мумкин”, – деди Тилеманс клуб матбуот хизматига берган интервьюсида.
Эслатиб ўтамиз, бельгиялик футболчи “Манчестер Юнайтед”га 35 миллион фунт стерлинг эвазига ўтди. Унинг “Астон Вилла” билан шартномасидаги товон пули айнан шунчани ташкил этарди.
