UZ

Сўнгги янгиликлар

19:05АПЛ. МЮ, “Лестер” иштирокидаги баҳслар бошланди (онлайн ҳисоб)  2 18:50Сетьен Мессининг "Манчестер Сити"га кетиши мумкинлиги борасидаги саволга жавоб берди  2 18:30Карикатура: Кетма-кет 4 йилдан бери Самора совринини қўлга киритаётган Ян Облакка муносиброқ рақиб топилди  2 18:07АПЛ. "Лестер" - "Кристал Пэлас" ва МЮ - "Борнмут" ўйинларининг асосий таркиблари билан танишинг  18 18:00К-лига. Алибоев ҳаракат қилаётган "Сеул" меҳмонда "Сувон Самсунг" билан жанговар дуранг ўйнади  2 17:58БАТЭ - "Энергетик-БГУ" 0:1 (матнли трансляция)  17 17:45Остон Ўрунов "Уфа"нинг июнь ойидаги энг яхши футболчиси деб топилди  9 17:20БАТЭ - "Энергетик-БГУ". Асосий таркиблар маълум  17 17:03К-лига. 6та гол урилган ўйинда Турсунов жамоаси ғалаба қозонди  1 17:00Olamsport: UFCда узоқ кутилаётган жанг бекор қилинди, Фергюсон Хабибга мурожаат қилди ва бошқа хабарлар  0 16:48Пеллегрини тез орада Ла Лига клубида иш бошлайди  1 16:40А Сериядаги пойгалар давом этади. "Ювентус"га бу сафар ҳам рақиб топилмайдими?  1 16:23Карикатура: Месси кейинги йилда "Барселона"дан кетмоқчи  11 15:44Қозоғистон чемпионати коронавирус туфайли яна пауза олди  0 15:2512та жамоалик Суперлига. Бу сизга маъқулми?  51

Мўъжиза туфайли гуруҳдан чиққан Ўзбекистон, Австрияни мағлуб этган Ҳамдамов, ОФКнинг эътирофи – 2015 йил Янги Зеландияда ўтказилган Жаҳон чемпионатини ёдга оламиз Янгиликлар

Мўъжиза туфайли гуруҳдан чиққан Ўзбекистон, Австрияни мағлуб этган Ҳамдамов, ОФКнинг эътирофи – 2015 йил Янги Зеландияда ўтказилган Жаҳон чемпионатини ёдга оламиз

Гарчи чемпионатлар бошланаётган бўлсада терма жамоаларимизнинг тарихдаги ажойиб ўйинларини ва муваффақиятли қатнашган турнирларини ёдга олишда давом этамиз.

Бугун бевосита 2015 йилги Янги Зеландия яшил майдонларида ўтказилган ёшлар ўртасидаги Жаҳон чемпионати ҳақида сўз юритамиз. Зеро, ушбу мундиал бизга қизиқарли ва ҳаяжонли лаҳзаларни тақдим қилганлиги билан ёдда қолган.

Равшан Ҳайдаров мураббийлигидаги терма жамоамиз 2014 йил Мьянмадаги Осиё чемпионатида ярим финалгача етиб келиб якунда мундиал йўлланмасини қўлга киритди. U 20 ёш тоифасидаги ҳар тўрт йилликнинг нуфузли мусобақасига вакилларимиз юқори даражада тайёргарлик кўришган, Янги Зеландия билан Фарғона ва Тошкентда ўртоқлик ўйинлари, Испания ва Португалия билан хорижда йиғинлар ташкил қилиб берилганди. Таркибдаги футболчиларнинг ҳали кўпи 20га ҳам тўлмаган бўлсада аллақачон катта футбол ҳавосидан нафас олиб ўз жамоаларида етакчилардан бири саналарди. Улар қаторига Акром Комилов, Жавоҳир Соҳибов, Достон Ҳамдамов, Забихилло Ўринбоев, Элдор Шомуродов, Отабек Шукуровларни киритишимиз мумкин. Бу эса уларга катта ўйинларда босимсиз эркин ҳаракат қилиш имкониятини берарди. Боз устига мазкур ёшдаги футболчиларнинг қарийб ярими 2012 йилги Эрондаги ўсмирлар ўртасидаги Осиё чемпионати иштирокчилари бўлганлиги сабаб ўзаро тушуниш бўйича ортиқча муаммо йўқ эди.


Қуръа бизга жиддий ва номдор рақибларни тақдим қилди,Германия, Гондурас, Фижи. Тўғри буларнинг ичида Фижи анча заифдек кўринганди. Бироқ, Океания минтақаси вакили гуруҳда биринчи турда бизни 4:3 ҳисобида ютган Гондурасни иккинчи турда йирик 3:0 натижаси билан таслим қилганига нима дейсиз? Дарҳақиқат, турнирнинг илк ўйинида вакилларимиз гондураслик тенгқурларига имкониятни бой бериб гуруҳдаги вазиятни оғирлаштириб қўйишганди. Ўшанда ҳимоячиларимиз жуда тартибсиз ҳаракатлари оқибатида дарвозабон Сарвар Каримов тўртта тўп олиб чиққанди. Иккинчи турда эса бизни Германия кутарди. Табиийки олдиндан Кутилганидек немислар бизга ҳеч қандай имконият қолдирмади ва 3:0 кўринишидаги натижа билан кейинги босқич масаласини ҳал қилди. Ўшанда бизга иккитга гол урган Штендера бугунги кунда “Ганновер 96” жамоасининг асосий футболчиси ҳисобланади. Бу пайтга келиб гуруҳда жуда тушунарсиз ва чигал вазият юзага келганди. Гондурас, Ўзбекистон, ҳаттоки, Фижида ҳам кейинги босқичга чиқишга умид қолганди. Ҳамюртларимиз бунинг учун Фижига кўпроқ гол уришлари ва ғалаба қозонишлари талаб этиларди. Германия эса Гондурасга кўпроқ тўп киритиб 9 очко жамғаришлари лозим эди. Шундагина тўплар нисбатига кўра биз плей-офф чиптасини қўлга киритардик. Якунда эса омад бизнинг йигитларга кулиб боқди ва -1 тўплар нисбати билан нимчорак финалга йўл олди. Гондурасда -6, Фижида эса -7 эди.



Гуруҳ босқичи.
1-тур.
Ўзбекистон – Гондурас – 3:4
Голлар:
Достон Ҳамдамов 31, Элдор Шомуродов 79, Забихилло Ўринбоев 90+6

2-тур
Германия – Ўзбекистон – 3:0
Голлар
: Марк Штендера 33, 85, Кеви Акпогума 59

3-тур
Ўзбекистон – Фижи – 3:0
Голлар:
Элдор Шомуродов 62, Забихилло Ўринбоев 63, Миржамол Қосимов 90+3



Чорак финал йўлланмаси учун кечган жангда ёшлар терма жамоамиз Европа вакили бўлмиш Австрияни 2:0 кўринишида мағлубитга учратди. Гуруҳдан 3 очко билан чиққан футболчиларимизда ўзларига бўлган ишонч анча ортганлигини сезиш мумкин эди. Достон Ҳамдамовнинг икки голи бизга кейинги босқич эшикларини очди. Миржамол Қосимов ушбу беллашувда асосий таркибда майдонга тушиб икки голда ҳам ўзини ҳиссасини қўшганди.

Нимчорак финал.
Ўзбекистон – Австрия – 2:0
Голлар:
Достон Ҳамдамов 47, 57.



Бироқ, ярим ҳимоячимизнинг Сенегал билан ўйинни сариқ карточкалари сони 2та етгани боис ўтказиб юбориши биз учун катта йўқотиш бўлди десак муболаға бўлмайди. Унинг майдондаги ўрни шу куни яққол билинди. Жисмоний жиҳатдан кучли бўлган сенегалликларга қарши деярли 80 дақиқа тартибли ўйнаган вакилларимиз учрашув охирларига келиб концентрацияни йўқотишди. Қанотдан тезкорлик марказга узатиб берилган тўпга етиб келган Мамади Тиам ҳимоячимиз Иброҳим Абдуллаевдан ўтиб тўп киритади.Ўйин тугашига 10 дақиқа қолган, жамоада гол уришга куч ҳам қолмаганди. Мураббий Равшан Ҳайдаровнинг режаси бўйича футболчиларимиз экстра-таймгача боришлари ва ҳимояни мустаҳкам қилган ҳолда қарши ҳужумга ўтишлари керак эди. Шунинг учун мутахассис ўйинчиларни алмаштиришга шошилмаётганди. Шунга қарамай иккинчи бор кучли саккизликга кирган термамиз турнирдан сўнг ОФК раҳбарларининг эътирофига ва раҳматига сазовор бўлди. Чунки, чорак финалда осиё қитъаси номидан фақат Ўзбекистон қатнашаётганди. Шимолий Корея, Мьянма, Қатар терма жамоалари гуруҳ босқичидаёқ мусобақа билан хайрлашиб бўлганди. Йил сўнгида бирваракайига учта футболчимиз Осиёнинг “энг яхши футболчиси” номзодига лойиқ кўрилди. Соврин эса Достон Ҳамдамовга насиб қилди.

Чорак финал.
Ўзбекистон – Сенегал – 0:1
Гол
: Мамади Тиам 80.



Абдулазиз Искандаров тайёрлади

Рейтинг: +11   

Фикрлар

+1   
01 июн 11:43:33
Шохрух Абдуллаев
уша дамларни согиндик
   
01 июн 14:26:12
Doktor Haus
Qachon ko'raykanmiz yana bunday o'yinlarni
   
01 июн 11:43:00
Шохрух Абдуллаев
хаа зур булганди
   
01 июн 10:41:11
Nabijon Murotov
https://www.youtube.com/watch?v=NBIFcTL_uvc Energetik-Vitsebsk o'yinini o'zbekcha sharxda tomosha qiliylar
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг