Миодраг Радулович: "Ўзбекистон Осиё Кубогида тарихий натижасини янгиласа, ҳайрон бўлмайман"

Осиё Кубогида Ливанни черногориялик мутахассис Миодраг Радулович бошқаради. Ўзбекистонлик мухлисларга таниш бўлган Радулович Қатардаги турнирда Ўзбекистоннинг имкониятлари ва Ливаннинг мақсадини гапирди. 

"Мен ўзбек футболининг даражасини баланд баҳолайман. Осиё Кубогида терма жамоангиз яхши натижа қайд этишига шубҳам йўқ. Ўзбекистон терма жамоасини мусобақа фаворитларидан бири, деб айта оламан. Ҳозирги кунда сизларда яхши таркиб жамланган ва келаётган Осиё Кубогида аввалги тарихий натижа янгиланса, ҳайрон бўлмайман. 

 Ливанга мусобақа бошланишига икки ҳафта қолганда етиб келдим. Мусобақадаги мақсадимиз муносиб иштирок этиш. Асосий мақсадимиз март ва июнь ойидаги ЖЧ саралашида муносиб натижа кўрсатиш. Ёзда Фаластин ва Бангладешга қарши ўйнаймиз. Уларни мағлуб этишимиз керак",- дейди Радулович.

Маълумот учун, Ливан Осиё Кубогида  Қатар, Хитой, Тожикистон билан "А" гуруҳида куч синашади.