Майамидаги "Ну Стэдиум" стадионида бўлиб ўтган баҳс 2:0 ҳисобида майдон эгаларининг ғалабаси билан ниҳоясига етди. Ушбу ғалаба Флорида жамоаси учун ушбу турнир тарихидаги биринчиси бўлди.
24-дақиқада уругвайлик Луис Суареснинг узатмасидан сўнг аргентиналик форвард Лионель Месси ҳисобни очди. 81-дақиқада эса Мессининг пасидан сўнг рақиб дарвозасини ишғол қилган ярим ҳимоячи Каземиро якуний ҳисобни ўрнатди.
Кампеонес Кубоги (Campeones Cup) — бу Американинг МЛС лиги амалдаги чемпиони ва Мексика Лига MX "Чемпионлар чемпиони" соврини эгаси ўртасида суперкубок унвони учун ўтказиладиган ҳар йилги бир ўйиндан иборат футбол турниридир. Ўтган йили Мексиканинг "Толука" клуби ушбу титул эгасига айланган эди.
