Бу баҳс жанубий америкаликлар ҳужумчиси Лионель Месси учун миллий жамоа сафидаги сўнгги ўйинга айланди. Буэнос-Айресдаги “Монументаль Антонио Веспуччи Либерти” стадионида кечган учрашув “альбиселесте”нинг 3:0 ҳисобидаги йирик ғалабаси билан якунланди.
Ғолиблар сафида Николас Отаменди ва Нико Пас ўз ҳисобига гол ёздириб қўйган бўлса, яна бир голга 11 метрли жарима зарбасини аниқ ижро этган юлдузли ҳужумчи Лионель Месси муаллифлик қилди. Бундан ташқари, ҳужумчи иккита голли узатмани ҳам амалга оширди.
Месси Аргентина терма жамоаси сафидаги дебютини 2005 йилнинг август ойида Венгрияга қарши кечган ўртоқлик ўйинида (2:1) ўтказганди. У терма жамоа таркибида жами 208 та учрашувда майдонга тушиб, 125 та гол ва 68 та голли узатмага муаллифлик қилган. Шунингдек, у жамоа билан бирга Жаҳон чемпионати-2022, икки карра Америка Кубоги (2021, 2024) ҳамда Финалиссима (2022) ғолибига айланган.
Аргентина терма жамоасидан кетиш қарорини Месси АҚШ, Канада ва Мексика мезбонлик қилган 2026 йилги Жаҳон чемпионатидан сўнг қабул қилган ва бу ҳақда ижтимоий тармоқлардаги саҳифаларида эълон қилинган мактубида маълум қилганди
