Uchrashuv Kolambusda bo'lib o'tdi va mezbonlarning 2:1 hisobidagi g'alabasi bilan tugadi.
"Inter Mayami" tarkibida argentinalik hujumchi Lionel Messi jarima zarbasidan gol urdi.
"Kolambus Kryu" tomonidan Xosef Martines penaltini aniq amalga oshirib ajralib turdi va Jamal Tyare gol muallifiga aylandi. Mezbonlar g'alaba golini 90+9-daqiqada kiritishdi.
Shu tariqa, "Inter Mayami" MLS'da qatorasiga beshta o'yindan beri g'alaba qozona olmayapti (to'rtta durang va bir mag'lubiyat). "Kolambus Kryu" esa o'z navbatida qatorasiga ikkinchi g'alabasini qo'lga kiritdi.
MLS'ning navbatdagi turida "Inter Mayami" "Di-Si Yunayted" bilan kuch sinashadi, "Kolambus Kryu" esa "Orlando Siti"ga qarshi maydonga tushadi. Ikkala uchrashuv ham 11 oktyabr kuni bo'lib o'tadi.
