Флориан Плеттенбергнинг хабар беришича, 25 ёшли уругвайлик таянч ярим ҳимоячиси Мануэль Угарте ёзги трансфер ойнасида жамоани тарк этишга қарор қилган.
Угарте жамоадаги ҳозирги ролидан жуда норози эканлиги ва кейинги мавсум учун кўпроқ ўйин вақтига эга бўлиши мумкин бўлган янги жамоа қидираётгани айтилмоқда. Уругвайлик футболчи учун асосий даъвогарлардан бири Туркиянинг "Галатасарой" клуби бўлиб, туркияликлар ўтган ёзда уни сотиб олишга ҳаракат қилган, аммо "Манчестер Юнайтед" билан келишувга эриша олмаганди.
Угарте ушбу мавсум "қизил иблислар" сафида 24 ўйинда майдонга тушди. Унинг амалдаги шартномаси 2029 йилгача мўлжалланган ва Transfermarkt уни 30 миллион еврога баҳоламоқда.
