Эслатиб ўтамиз, 20 июнь куни Туркия — Парагвай (0:1) ўйинида ҳакам Иван Бартон Мигель Альмиронни Мерт Мюльдюрга оғзини ёпиб гапиргани учун майдондан четлатган эди. Рақибга оғзини ёпиб гапирганлик учун четлатиш қоидаси Жаҳон чемпионати бошланишидан олдин жорий қилинган.
Англияликларнинг ўйинида гондураслик ҳакам Саид Мартинес ишлаган эди. Ўйиндан кейин Парагвай футбол федерацияси Беллингемнинг четлатилмаганидан норозилигини билдирди.
"Беллингем оғзини ёпди — ва қизил карточка олмади?! Парагвайлик футболчидан фарқли ўлароқ... Топ-жамоалар ва юлдуз футболчиларга бошқача муносабатда бўлинаётганига бўлган шубҳа кучайиб бормоқда. ФИФА аралашиши керак — қоидалар ҳамма учун бир хил бўлиши шарт!
Қоидаларнинг янги талқинига кўра, агар оғизни ёпиб гапириш можароли вазиятда содир бўлса, қизил карточка кўрсатилиши керак. Бу ерда эса можаро борлигида шубҳа йўқ: ўйинчилар ўртасида баҳс юзага келгани яққол кўриниб турибди. Ганалик футболчи қўлларини ёймоқда ва эпизодни бошқача баҳолаётгани аниқ.
Агар улар очиқчасига ҳазиллашаётган бўлишганида, бу бошқа ҳолат бўларди. Лекин ҳакамлар учун бундай вазиятларда қўшимча фарқларни ажратиш деярли имконсиз.
Улар баҳслашмоқда ва Беллингем қўлини оғзига тутган. Негалиги қизиқ? Албатта, футболчилар афсуски, бундай қилишга ўрганиб қолишган. Аммо у ҳолда бу қоида барча футболчиларга тенг қўлланилиши керак, ёки уни умуман бекор қилиш лозим — бунинг учун ҳам етарлича далиллар бор.
Ҳозирча эса Англия ва Беллингемнинг омади келди...", — деб ёзди Грефе.
