“Diario Sport” маълумотларига кўра, агар “қироллик клуби” 70 миллион евро тўламаса, “Сити” Родрини жамоада олиб қолиш билан таҳдид қилган. Натижада трансфер хавф остида қолди.
Англия клубининг позицияси беаёв: “Манчестер Сити” ярим ҳимоячисини белгиланган қийматидан арзонроқ сотишдан кўра, шартнома муддати тугагунга қадар олиб қолишни афзал кўради. “Этихад”да музокаралар столи атрофида ён бериш режалаштирилмаяпти.
Унгача эса футболчи ўз қарорини қабул қилиб бўлган — у ҳали июль ойидаёқ Мадрид клуби билан шахсий шартнома шартларини келишиб олган ва фаолиятини Испанияда давом эттиришни хоҳламоқда. Фақатгина битта ҳал қилинмаган масала қолмоқда: трансфер суммаси.
Таъкидлаш жоизки, Испания терма жамоаси хавбекининг “шаҳарликлар” билан шартномаси 2027 йилнинг ёзигача амал қилади. Transfermarkt эса 30 ёшли испаниялик футболчини 55 миллион еврога баҳоламоқда — бу “Сити” унинг бозор қийматидан анча юқори сумма талаб қилаётганини англатади.
