Sport.es хабарига кўра, сербиялик ҳужумчи шу ёзда “Барселона”га ўтишини енгиллаштириш учун маоши камайишига рози бўлган.
Шунингдек, форвард “Бешиктош”га амалга ошиши мумкин бўлган трансферни ҳам кейинга сурди. Туркия клуби унга молиявий жиҳатдан жозибадор таклиф билдирганди, аммо футболчи Каталония пойтахтида фаолиятини давом эттириш учун реал имконияти борлигига ҳали ҳам ишонмоқда.
Бироқ томонлар ўртасида ҳали якуний келишув мавжуд эмас. Влаховичнинг вакиллари Каталония клуби билан боғланишган, аммо “Барселона” ҳозирча битимни якунлаш бўйича аниқ қадамларни ташлагани йўқ.
Таъкидлаш жоизки, “Ювентус” билан шартномаси тугагани сабабли Влахович ҳозирда эркин агент ҳисобланади. Шу тариқа, “кўк-анорранглилар” шу ёзда жамоани тарк этиш истагини билдирган Ферран Торресга потенциал ўринбосар сифатида қаралаётган сербиялик ҳужумчи учун ҳеч қандай трансфер тўловини амалга оширишига тўғри келмайди.
