"Тоттенхэм" бош мураббийи Роберто Де Дзерби ёзги трансфер ойнасининг қолган қисмида ҳужум чизиғига бир жуфт янги ўйинчи қўшиб олишни хоҳлашини айтиб ўтган эди.
"Тоттенхэм"га ўтиши мумкин бўлганлар орасида "Манчестер Сити"дан Савиньо ва "Ливерпуль"дан Коди Гакпо номлари тилга олинмоқда, аммо "Football.London" бир қатор манбаларга таяниб, "шпорлар" Осимхенни ўз сафларига қўшиб олишни исташаётганини таъкидламоқда.
Хабар қилинишича, яқинда "Тоттенхэм" ҳатто Осимхен бўйича 50-55 миллион фунт миқдоридаги илк таклифини илгари сурган, бироқ "Галатасарай" Викторни 65 миллион фунтга баҳоламоқда.
Ўтган мавсумда Туркия чемпионатининг 22 та ўйинида 15 та гол урган ва бешта голли узатмани амалга оширган 27 ёшли нигериялик футболчининг вазиятни бошқа бир қатор клублар, жумладан "Челси" ва "Манчестер Юнайтед" ҳам кузатиб бормоқда.
