Эслатиб ўтамиз, Туркия терма жамоаси дастлабки иккала ўйинда ҳам имкониятни бой берди — Австралия (0:2) ва Парагвай (0:1). Натижада жамоа муддатидан олдин плей-оффга чиқиш имкониятидан маҳрум бўлди.
"Қалбидагини очиқ айта олмайдиганлар, одатда, ўз фикрларини сатрлар орасига яшириб, шамалар билан гапиришади. Орқасида юки бор ва уни елкасида кўтариб юрган одамлар шу юкнинг вазни остида эзилиб қолишади. Уларда ҳақиқатда нимани ўйлаётганларини айтиш учун жасорат етишмайди, шунинг учун бошқача жавоб қайтаришади. Биз эса қалбимиздагини гапиришда давом этамиз.
Ёшим 60 да. Мендан Туркия футболининг сўнгги 40 йилидаги исталган дақиқа ҳақида сўранг. Қайси куни, қайси соатда кимнинг қўли кимнинг чўнтагида бўлганини айтиб бераман. Бу ҳатто миллий терма жамоага ҳам тегишли. Одамлар: "Федерация президенти ҳам шундай гапирадими?" дейишяпти. Ҳа, гапиради. Бунга кўникишингизга тўғри келади. Мен қалби ва тили бир бўлган инсонман. Кўнглимда нима бўлса, шуни тилимга чиқараман. Чунки менинг орқамда ҳеч қандай юк йўқ", — деди Ҳожиосмонўғли.
Бундан аввал федерация раҳбари бош мураббий Винченцо Монтеллани қўллаб-қувватлашини билдириб, Туркия томони дунё биринчилигидаги омадсизликдан кейин устозни ўзгартириш ниятида эмаслигини таъкидлаган эди.
