"Мен жуда хурсандман ва бор эътиборимни ўйинга қаратганман. Албатта, кўп нарсага эришмоқчи бўлсак, мусобақани яхши бошлашимиз кераклигини биламиз. Жамоамиз тинимсиз меҳнат қилмоқда, кўп югуришимиз кераклигини тушуниб турибмиз, барча жамоаларнинг қанчалик шиддат билан ўйнаётганини кўрдик ва биз бунга тайёрмиз.
Биз юз фоиз муваффақият қозониш ҳақида ўйлаяпмиз, чунки Ўзбекистон ғалабага чанқоқ жамоа эканлигини биламиз, бўлажак беллашув улар учун Жаҳон чемпионатидаги илк ўйин саналади. Улар иккита ўйинда мағлубиятга учраб келишмоқда, лекин Жаҳон чемпионатида бунинг аҳамияти йўқ, улар бор диққат-эътиборини ғалабага қаратишган.
Бугунги футболда шиддат ўта муҳим аҳамиятга эга, бирорта ҳам осон жамоа йўқлигини кўрдик ва майдонга худди финалда ўйнаётгандек тушишимиз керак, чунки бу ердаги ҳар бир ўйин финалга тенг.
Ўзбекистон жуда яхши ўйин намойиш этади, тезкор жамоа, ҳимоядан ҳужумга ўтиш фазаларида жуда тез ҳаракат қилишади, шунинг учун бундан эҳтиёт бўлишимиз керак. Албатта, тўп бизда бўлганида сабрли бўлишимиз лозим, аммо сусткашликка йўл қўймаслик керак, чунки бу катта хато бўлади. Тўғри ҳаракат қилиш эса катта ёрдам беради", деди 23 ёшли ҳужумчи.
