A Bola хабарига кўра, миллий жамоа бош мураббийи Португалия футбол федерацияси томонидан таклиф этилган сардор билан учрашувни маъқуллаган. Энди федерация Роналдунинг ўзидан жавоб кутмоқда.
FPF Криштиану ва терма жамоа ўртасидаги муносабатларнинг узил-кесил ва кескин узилишининг олдини олмоқчи ҳамда 41 ёшли ҳужумчининг атрофидагилар билан алоқада бўлиб турибди. Учрашувни бетараф ҳудудда ўтказиш режалаштирилмоқда.
Шу билан бирга, Жезуш Роналдуни захирада қолдириш қароридан сўнг ўз позициясини ўзгартирмаган, бироқ, нашр таъкидлаганидек, жамоа атрофидаги кескинликни камайтириш ва барқарорликни тиклаш зарурлигини тушунади.
Роналду терма жамоа ихтиёрини тарк этганидан сўнг вазият бўйича ҳозирча ошкора изоҳ бермади. A Bola маълумотига кўра, у Мадридда бўлиб турибди. Энди вазиятнинг кейинги ривожи Криштианунинг қарорига боғлиқ — музокараларга рози бўлиш ва муроса топишга уриниш ёки учрашувдан бош тортиш.
