Bloomberg учун сентябрь ойида ўтказилган Morning Consult сўровномасига кўра, америкаликларнинг 46 фоизи ўзини футбол мухлиси деб атаган. Бу ЖЧ стартидан сал аввалроқ — май ойида ўтказилган шунга ўхшаш тадқиқотдагидан 10 фоизлик пунктга кўпдир.
Ушбу ўсиш туфайли футбол ишқибозлар улуши бўйича хоккейни ортда қолдирди ва талабалар баскетболи кўрсаткичларига яқинлашди. Тадқиқотда 2000 га яқин катта ёшли америкаликлар иштирок этди.
Қизиқиш энг кўп зумерлар орасида ортди — бирдан 16 фоизлик пунктга. Эндиликда ушбу ёш тоифаси вакилларининг 61 фоизи ўзини футболнинг фаол ёки мўътадил мухлиси деб атайди. Бундан юқорироқ кўрсаткич фақат НБА (67%) ва НФЛ (73%)да қайд этилган.
Ўсиш бошқа кўрсаткичларда ҳам сезиларли. МЛС маълумотларига кўра, жаҳон чемпионати якунлангач, лига ва унинг клублари ижтимоий тармоқларда жами 6 миллионга яқин янги кузатувчига эга бўлди, МЛСнинг ёшлар дастурида болалар иштироки эса ўтган йилга нисбатан тахминан 40 фоизга ортди.
ЖЧ-2026 финали АҚШда 62 миллиондан ортиқ томошабинни тўплади — бу мамлакатда футбол ўйини учун рекорд кўрсаткичдир.
