"Sportv" эфирида Бразилия терма жамоаси собиқ ўйинчиси Фелипе Мело португалиялик футболчиларнинг Роналдуга бўлган муносабати аргентиналикларнинг Лионель Мессига бўлган муносабатидан кескин фарқ қилишини маълум қилди.
— Португалиялик шерикларнинг Роналдуга бўлган муносабати ва аргентиналик ўйинчиларнинг Лионель Мессига бўлган муносабати ўртасида жуда катта фарқ бор.
Криштиануга қарши ўйнашганда рақиблар томонидан анча кўпроқ ҳурматни кўраман. Ҳатто Хёйлунн ҳам Жорже Жезушдан жуда жаҳли чиқди, чунки Роналду — унинг кумири. [Рақиблар томонидан ҳурмат] Португалия терма жамоасининг ўзидан кўра кўпроқ.
Бу нотўғри, чунки у ерда ҳеч ким Роналдунинг даражасига етмайди. Унинг ҳеч нарса бўлмагандек бундай кетишига йўл қўйиб бўлмайди, — деди Мело.
Мелонинг ушбу баёноти акс этган видеони "Sportv" инстаграмда эълон қилди. Роналду постга лайк босди.
