Ярим финалда испанлар Франция терма жамоасини 2:0 ҳисобида мағлуб этишди.
"Бу туйғуни сўз билан ифодалаш жуда қийин, аммо бу ҳақиқий қувончдир. Ушбу футболчилар гуруҳи шунчаки ажойиб. Биз шу руҳда давом этишни ва бундан ҳам яхшироқ натижаларга эришишни истаймиз. Олдинда атиги бир қадам қолди, қўйилган мақсадга эришишга ҳаракат қиламиз. Ҳиссий жиҳатдан жуда катта босим тўпланиб қолганди. Жаҳон чемпионати финалига чиқиш — бу ҳам масъулият, ҳам катта шараф. Содир бўлаётган воқеаларни англаб етиш, бундан тўрт йил аввал бизни бу ерга олиб келган ғоя асосида бошлаган йўлимизни сарҳисоб қилиш лозим.
Кийиниш хонасида йигитларга дунёнинг энг яхши терма жамоаларидан бирига қарши майдонга тушишимизни айтгандим, аммо улар ҳам дунёнинг энг зўр терма жамоаси билан тўқнаш келишаётган эди. Биз ягона бир бутунмиз — ўз фидоийлиги ва иқтидори туфайли ушбу муваффақиятга муносиб бўлган жамоамиз. Буни кузатиш — ҳақиқий завқ. Улар қийин нарсаларни жуда оддий қилиб кўрсатишади. Улар билан фахрланаман ва жуда бахтлиман", — дея де ла Фуэнтенинг сўзларини келтиради "L'Équipe".
