"Мендан кўпроқ ҳеч ким ғалаба қозонмаган. Мен дунёдаги энг яхши футболчиларни олиб келаман ва буни келажакда ҳам давом эттираман. "Реал" клубини бошқариш учун, энг аввало, клуб аъзоларига ёлғон гапирмаслик керак.
Сўнгги кунларда сизлар билан кўп мулоқот қилдим, кўплаб таклиф ва ғояларни эшитдим. Биз клубни янада ривожлантириш устида ишлаймиз ва алоҳида эътиборни абонементи йўқ клуб аъзоларига қаратамиз. Мен бор кучим билан ишлашда давом этаман.
Биз клубни тубдан ўзгартирдик ва уни дунёдаги энг даромадли ҳамда энг қиммат клубга айлантирдик. Айтишларича, молиявий кўрсаткичларимиз ёмон эмиш. Бу пайтда эса Forbes бизни даромад ва қиймат бўйича дунёда биринчи ўринда деб эътироф этмоқда. Хўш, бундай гапларни айтаётганларга омадсизлар эмасми? Улар фейк хабарлар бўйича мутахассислар.
Бу мавзу тарихга киради, чунки айрим журналистлар ва ОАВларнинг тутган ўрни шунга арзийди. Уларнинг ёлғонга қурилган номзод билан ҳамкорлиги барча чегаралардан ўтиб кетди. Клубни беқарорлаштиришга қаратилган айнан шу кампания менинг президентлик сайловларини тайинлашимга сабаб бўлди", — деди Перес.
