"Бош мураббий сифатида зиммамда кўплаб вазифалар бор, аммо энг аввало биз футболчиларга ёрдам бериш учун шу ерга келдим. Мен доим шундай дейман: ҳар бир ўйинчи ўз ишини энг яхши тарзда бажара олиши учун жамоавий тизим яратишимиз керак. Ҳар бир футболчига мос тушадиган ролни топишимиз лозим. Ўйинчилар биз билан бирга индивидуал жиҳатдан ривожланишини ҳис қилиши, биз эса улар учун ишлаш завқ бағишлайдиган муҳитни ва футболни ярата олишимиз керак.
Агар ҳамма хурсанд бўлса, жамоада яхши муҳит ҳукм сурса, бу албатта очколар келтиради. Бунга менинг ишончим комил. Бош мураббий сифатида барчани бирдек мамнун қила олмайман, аммо ҳар бир инсон ўзини қулай ҳис қиладиган муҳит яратишга интилишимиз шарт", — деди Ираола клуб расмий сайтига берган интервьюсида.
Эслатиб ўтамиз, "Ливерпуль" 4 июнь куни Андони Ираолани жамоа бош мураббийи этиб тайинлаганини расман эълон қилди. 43 ёшли мутахассиснинг сўнгги иш жойи "Борнмут" бўлган ва у ўтган мавсум якунланганидан сўнг клубни тарк этганди.
