Эден Азар: "Мбаппе "Олтин тўп"ни қўлга киритиши учун нима қилиши керак?"
25 янв 17:10
Янгиликлар

Эден Азар: "Мбаппе "Олтин тўп"ни қўлга киритиши учун нима қилиши керак?"

Мадриднинг "Реал" клуби собиқ юлдузи Эден Азар "қироллик клуби" ҳужумчиси Килиан Мбаппенинг "Олтин тўп"ни қўлга киритиш имкониятлари ҳақида гапирди.

"У албатта "Олтин тўп"ни қўлга киритади. Бунинг учун Мбаппе Чемпионлар Лигаси ва Ла Лигада зафар қучиши ёки жаҳон чемпионатида узоқроққа бориши керак. Лекин шубҳасиз, эртами-кечми у бу совринга эга чиқади", — деди Азар "TF1" телеканали эфирида.

Маълумот учун, Мбаппе жорий мавсумда барча мусобақаларда 28 та ўйинда майдонга тушиб, 34 та гол ва 5 та голли узатмани ўз ҳисобига ёзиб қўйди. Унинг мадридликлар билан амалдаги шартномаси 2029 йилнинг ёзига қадар мўлжалланган. "Transfermarkt" портали француз юлдузини 200 миллион еврога баҳоламоқда.

Ҳавола :

Манба : TF1

Янгиликларни Телеграмда ўқинг!

Рейтинг: +2